Yangi o‘quv binosiga ilk qadamlar qo‘yildi!

Ochilish marosimi kuni ZARMED Universiteti talabalari va ularning ota-onalari uchun yangi bino bo‘ylab ilk ekskursiyalar tashkil etildi. Zamonaviy auditoriyalar, keng va yorug‘ o‘quv maydonlari hamda yaratilgan imkoniyatlar ishtirokchilarda katta taassurot qoldirdi. Bu kun ko‘pchilik uchun shunchaki yangi bino bilan tanishuv emas, balki yangi maqsadlar va katta kelajak sari qo‘yilgan ilk qadam bo‘ldi.